Kompania Rajonale e Ujësjellësit "Mitrovica" ka njoftuar se do të kryhen intervenime në rrjetin e ujësjellësit dhe kanalizimit në disa zona të Komunës së Vushtrrisë, përfshirë rrugën "Gjon Buzuku", Lum të Madh dhe rrugën "Faruk Beqiri". Punimet do të zhvillohen gjithashtu në rrugët "Nexhip dhe Ferat Draga", "Ahmet Selaci", në Sheshin e Vushtrrisë dhe në fshatin Pestovë. Gjatë punimeve, furnizimi me ujë mund të ndërpritet përkohësisht në zonat e prekura, ndërsa pas rikthimit të tij, uji mund të jetë i turbullt për një periudhë të shkurtër. Kompania ka kërkuar mirëkuptimin e qytetarëve dhe ka rekomanduar që ata të lënë ujin të rrjedhë disa minuta përpara përdorimit.