Kompania Rajonale e Ujësjellësit “Mitrovica” ka nisur punime të rëndësishme në rrjetin e ujësjellësit dhe kanalizimit në disa rrugë të qytetit të Vushtrrisë, duke përfshirë rrugët “Ukshin Kovaçica”, “Faruk Beqiri”, “Hamdi Krasniqi”, si dhe në rrjetin e kanalizimit në rrugën “Skënderbeu” dhe lumin Surdulli. Gjatë këtyre punimeve, pritet ndërprerje e përkohshme e furnizimit me ujë në zonat përkatëse, ndërsa pas rikthimit të tij, uji mund të jetë i turbullt për disa minuta, ndaj qytetarët këshillohen ta lënë të rrjedhë deri në kthjellim.