Komuna e Prishtinës ka njoftuar mbylljen e përkohshme të një segmenti të rrugës “Agim Ramadani” për shkak të punimeve infrastrukturore që do të zhvillohen nga Drejtoria e Investimeve Kapitale dhe Menaxhimit të Kontratave. Segmenti i mbyllur për qarkullim do të jetë nga semaforët te Menza e Studentëve deri te kryqëzimi te semaforët e Ministrisë së Arsimit, duke filluar nga data 18 korrik 2026 në orën 20:00 deri më 20 korrik 2026 në orën 20:00. Komuna ka kërkuar nga qytetarët që gjatë kësaj periudhe të përdorin rrugë alternative dhe të respektojnë sinjalizimin e përkohshëm të trafikut për të shmangur vështirësitë në qarkullim. Kjo ndërhyrje ka për qëllim përmirësimin e infrastrukturës në kryeqytet, ndërsa autoritetet falënderojnë qytetarët për mirëkuptimin dhe bashkëpunimin.