Kompania Rajonale e Ujësjellësit “Mitrovica” ka njoftuar ndërprerje të përkohshme të furnizimit me ujë në dhjetë lagje të qytetit për shkak të punimeve në rrjetin e ujësjellësit dhe kanalizimit. Punimet po kryhen në rrugë të ndryshme, përfshirë “Azem Galica”, “Nora Kelmendi”, “Rexhep Dedia” dhe fshatrat Shupkofc dhe Frashër i Madh. Gjatë këtyre ndërhyrjeve, furnizimi me ujë mund të ndërpritet përkohësisht, ndërsa pas rikthimit të tij mund të shfaqet turbullirë e përkohshme. Banorët këshillohen të lënë rubinetin të rrjedhë disa minuta derisa uji të bëhet i kthjellët për të siguruar cilësinë e tij.