Ministri në detyrë i Infrastrukturës, Dimal Basha, ka publikuar pamje nga punimet që po zhvillohen në rrugën Prizren–Tetovë, duke treguar progresin në zonën e Malit të Sharrit. Ai theksoi rëndësinë e këtij projekti për lidhjen ndërkufitare dhe përfitimet që do të sjellë për qytetarët në të dyja anët e kufirit. Sipas Bashës, qeveria Kurti po investon në krijimin e infrastrukturës së re, duke hapur rrugë dhe mundësi të reja për komunitetet përkatëse. Ky projekt pritet të përmirësojë ndjeshëm komunikimin dhe bashkëpunimin rajonal.