Ministria e Infrastrukturës dhe Transportit ka njoftuar se punimet për ndërtimin e urës së tretë mbi lumin Ibër po vazhdojnë sipas planit të dinamikës së paraparë. Ky projekt infrastrukturor është pjesë e përpjekjeve për të përmirësuar lidhjet rrugore, qarkullimin dhe sigurinë e qytetarëve në zonë. Në materialet e publikuara nga Ministria, shihet puna intensive me ekskavatorë dhe makineri të tjera të angazhuara në terren. Ministria thekson përkushtimin e saj për realizimin e këtij projekti, i cili pritet të sjellë përfitime të rëndësishme për komunitetin lokal dhe trafikun në përgjithësi.