Ministria e Punëve të Jashtme dhe Diasporës ka njoftuar se situata në pikën kufitare Bajakovo, në kufirin ndërmjet Kroacisë dhe Serbisë, është stabilizuar dhe qarkullimi po zhvillohet pa vonesa të gjata pas pritjeve të mëparshme gjatë ditës. Ngadalësimi i përkohshëm i qarkullimit u shkaktua kryesisht nga zbatimi i Sistemit EES (Entry/Exit System), i cili ka sjellë procedura shtesë kontrolli kufitar. Ambasadori i Republikës së Kosovës në Kroaci, Martin Berishaj, së bashku me stafin e Ambasadës, vizitoi pikën kufitare për të takuar bashkatdhetarët në pritje dhe për t’u ofruar mbështetje. MPJD dhe përfaqësitë diplomatike do të vazhdojnë të angazhohen për informimin dhe ndihmën e qytetarëve, veçanërisht gjatë sezonit veror.