Ministria e Punëve të Brendshme dhe Ministria e Shëndetësisë po shqyrtojnë një qasje të re në luftën kundër trafikimit të paligjshëm të drogës dhe trajtimin e varësive. Në një takim me përfaqësuesin e UNODC-së, u diskutua mundësia e avancimit të kornizës ligjore, ku trajtimi juridiko-penal do të përcaktohet në bazë të llojit, sasisë së drogës dhe rrethanave të secilit rast, duke shmangur trajtimin uniform. Ministrat theksuan rëndësinë e bashkëpunimit më të ngushtë ndërmjet institucioneve të drejtësisë dhe shëndetësisë, duke përfshirë parandalimin, ndërgjegjësimin dhe mbështetjen për personat me varësi. Përfaqësuesi i UNODC-së shprehu gatishmëri për bashkëpunim të mëtejshëm dhe shkëmbim të praktikave më të mira nga rajoni dhe Evropa, duke theksuar nevojën për një qasje të kombinuar që përfshin masa të fuqishme ndaj rrjeteve kriminale dhe ndërhyrje shëndetësore.