Komuna e Istogut ka përuruar zyrtarisht Qendrën e Mjekësisë Familjare në Gurrakoc, një investim i rëndësishëm që synon përmirësimin e shërbimeve shëndetësore dhe krijimin e kushteve më të mira për qytetarët e kësaj ane. Ceremonia e hapjes u zhvillua me pjesëmarrjen e kryetarit të komunës, Ilir Ferati, drejtorit të Shëndetësisë, Fisnik Shoshaj, dhe kreut të Bashkësisë Islame të Kosovës, Myftiut Naim Tërnava. Ky projekt u realizua falë donacionit nga Shteti i Kuvajtit, me ndërmjetësimin dhe angazhimin e Bashkësisë Islame të Kosovës, duke sjellë shërbime më afër qytetarëve dhe duke përmirësuar kujdesin parësor shëndetësor në rajon. Komuna e Istogut shprehu mirënjohje për mbështetjen e donatorëve dhe theksoi rëndësinë e këtij investimi për komunitetin lokal.