Ish-ministri i drejtësisë Krenar Lloga ka deklaruar se gjatë mandatit të tij ishte përgatitur një iniciativë për të ofruar provimet shtetërore të jurisprudencës, noteriatit dhe përmbarimit edhe në gjuhën shqipe. Ky propozim ishte miratuar nga kryeministri i atëhershëm dhe kishte arritur në Kuvend, por me ardhjen e Qeverisë së re, procedura u ndërpre pa asnjë sqarim publik. Lloga shprehu habinë e tij për mungesën e reagimeve dhe për faktin që kryetari i Kuvendit nuk dha asnjë shpjegim për tërheqjen e ligjeve nga procedura parlamentare.