Kryeministri Hristijan Mickoski njoftoi se Qeveria do të dëmshpërblejë qytetarët e Shkupit që pësuan dëme nga moti i keq. Për këtë qëllim, komunat do të formojnë komisione të specializuara që do të vlerësojnë dëmet në terren. Qytetarët që kanë pësuar dëme duhet t’i paraqesin ato pranë këtyre komisioneve për të mundësuar vlerësimin dhe përgatitjen e raporteve për Komitetin për Vlerësimin e Dëmeve. Pas marrjes së raporteve, Qeveria do të ndërhyjë në përputhje me ligjin për t’i dëmshpërblyer të gjithë qytetarët e prekur.