Një qytetar nga Gjakova ka organizuar një protestë simbolike duke festuar me tortë "7 vjetorin" e mospërfundimit të rrugës Gjakovë-Dollc, e cila është dëmtuar nga rrëshqitjet e dheut dhe nuk është rikonstruktuar ende. Ai vendosi tortën pranë punimeve të rrugës, duke ironizuar vonesat e mëdha në realizimin e projektit, i cili ishte parashikuar të përfundonte në vitin 2024, por që edhe në vitin 2026 vazhdon të jetë në gjendje të keqe dhe pa përfunduar. Qytetari Ideal Zhaveli, organizatori i aksionit, ka bërë të ditur se kjo është hera e tretë që ndërmerr iniciativa të tilla simbolike për të tërhequr vëmendjen e institucioneve dhe publikut ndaj vonesave dhe problemeve në këtë rrugë. Ai ka theksuar mungesën e komunikimit nga institucionet përgjegjëse dhe ka paralajmëruar se do të ketë edhe forma të tjera reagimi nëse nuk ka përparim në përfundimin e projektit.