Në pikën kufitare të Morinës janë krijuar radhë kilometrike dhe pritje të gjata për kalimin e kufirit mes Kosovës dhe Shqipërisë. Fluksi i madh i automjeteve, kontrolli i shtuar i mjeteve me targa të huaja dhe kufizimet për qarkullimin e mjeteve të tonazhit të rëndë kanë ngadalësuar ndjeshëm kalimin. Situatën e rëndon edhe një karroceri e djegur në Rrugën e Kombit, që prej dy ditësh bllokon një korsi dhe shkakton kolona të gjata. Temperaturat e larta gjatë kësaj periudhe verore po e bëjnë pritjen edhe më të vështirë, ndërsa udhëtarët shprehin pakënaqësi dhe kërkojnë masa për përmirësimin e menaxhimit të situatës.