Kryeministri shqiptar Edi Rama zhvilloi një bisedë telefonike me Presidentin e Emirateve të Bashkuara Arabe, Sheikh Mohamed bin Zayed Al Nahyan, ku dënoi ashpër sulmet e fundit iraniane ndaj Emirateve, duke i cilësuar ato si shkelje të ligjeve ndërkombëtare dhe Kartës së OKB-së. Rama shprehu solidaritetin e plotë të Shqipërisë me Emiratet dhe theksoi nevojën për të ndalur përshkallëzimin e konfliktit në Gjirin Persik, që mund të rrezikojë paqen dhe stabilitetin rajonal dhe global. Nga ana e tij, Presidenti i Emirateve falenderoi Shqipërinë për mbështetjen e palëkundur në këtë situatë të tensionuar. Në këtë kontekst, Rama paralajmëroi se Shqipëria do të rendisë Gardën Revolucionare Islamike të Iranit si organizatë terroriste, duke bërë thirrje për një qëndrim të qartë dhe të bashkuar të komunitetit ndërkombëtar.