Kryeministri shqiptar Edi Rama zhvilloi një takim me homologun e tij të Koresë së Jugut, Kim Min-seok, gjatë vizitës së tij në Seul për një konferencë ndërkombëtare. Gjatë bisedës, dy liderët diskutuan mënyrat për të forcuar marrëdhëniet mes dy vendeve, me fokus të veçantë në bashkëpunimin në fushën e teknologjisë dhe inteligjencës artificiale. Kim Min-seok shprehu dëshirën për të zgjeruar shkëmbimet dhe bashkëpunimin, duke vënë në dukje rëndësinë që Koreja i kushton teknologjive të avancuara, ndërsa Rama theksoi se Shqipëria sheh në Korenë e Jugut një model frymëzimi për zhvillimin ekonomik dhe demokratik. Në postimin e tij në Facebook, Rama përmendi gjithashtu interesin për bashkëpunim në turizëm dhe investime, duke theksuar ngjashmëritë historike dhe 35-vjetorin e marrëdhënieve diplomatike mes dy vendeve.