Kryeministri Edi Rama ka folur gjatë podkastit “Flasim” për takimin e tij me banorët e Zvërnecit, të cilët kundërshtojnë projektin zhvillimor në zonë. Ai theksoi se takoi banorë të zonës, të cilët sipas tij janë përfaqësues të vërtetë dhe u janë bërë padrejtësi nga sulmet online dhe manipulimet mediatike. Rama nënvizoi se banorët nuk kërkojnë ndalimin e projektit, por shprehin shqetësime konkrete për pronat dhe mënyrën e zbatimit të tij, ndërsa vetë investimi shihet si një mundësi e madhe për zhvillimin ekonomik dhe turistik të Vlorës dhe Shqipërisë.