Kryeministri Edi Rama ka njoftuar masa të reja mbështetëse për sektorin e bujqësisë gjatë një takimi me fermerët në Lushnje. Ai bëri të ditur se do të ketë ulje të TVSH-së për fermerët që shesin produkte dhe paralajmëroi lançimin e një programi të ri në fund të prillit, i cili do të përfshijë të gjithë sektorët prodhues. Përmes këtij programi dhe mbështetjes së bankave, fermerët do të kenë akses në financime deri në 2 milionë euro, të garantuara edhe nga mekanizma shtetërorë. Qeveria synon të lehtësojë barrën fiskale dhe të nxisë zgjerimin e bizneseve të vogla drejt kapaciteteve më të mëdha prodhuese.