Ish-komandanti i Ushtrisë Çlirimtare të Kosovës, Ramush Haradinaj, ka kujtuar momentet e plagosjes së tij gjatë Betejës së Gllogjanit në luftën e fundit. Ai tregoi në emisionin “Histori e patreguar” se gjatë luftimeve intensive, një polic serb e kishte ngatërruar me babanë e tij për shkak të tymit dhe pamjes së vështirë. Haradinaj u plagos në një dritare përballë shtëpisë së tij, duke marrë katër plagë hyrëse, të cilat i ka ende dhe duken edhe sot. Ai përshkroi momentet kur policia serbe vazhdonte të qëllonte, ndërsa ai përpiqej t’i bënte me dije se ishte vetë Ramushi, por plagosja ishte e pashmangshme.