Ministri për Komunitete dhe Kthim, Nenad Rashiq, ka deklaruar se organizimi i zgjedhjeve të parakohshme parlamentare nuk do të ishte i dobishëm për Kosovën, duke theksuar se pas katër palëve zgjedhje në vitin e kaluar, një tjetër raund do të shkaktonte zhgënjim te qytetarët dhe do t’i bënte të gjithë humbës para tyre. Ai ka shprehur shqetësim për rikthimin në situatën e vjetër, duke vënë në dukje mungesën e seriozitetit nga ana e politikës. Kjo situatë erdhi pas seancës së 5 marsit ku, për shkak të mungesës së kuorumit, nuk u mbajt asnjë raund votimi për zgjedhjen e presidentit, çka çoi në shpërndarjen e Kuvendit nga presidentja Vjosa Osmani më 6 mars. Lëvizja Vetëvendosje ka kundërshtuar dekretin e Osmanit, duke e quajtur atë të jokushtetues dhe ka paralajmëruar dërgimin e çështjes në Gjykatën Kushtetuese, ndërsa presidentja ka zhvilluar takime me partitë politike për të caktuar datën e zgjedhjeve të reja.