Kuvendi i Republikës së Maqedonisë miratoi me shumicë votash Projektligjin për Këshillin e Prokurorëve Publikë, pjesë e Agjendës së Reformës në drejtësi. Ky ligj synon të forcojë pavarësinë, profesionalizmin dhe transparencën në sistemin e prokurorisë publike përmes reformave në mënyrën e zgjedhjes së anëtarëve të Këshillit dhe futjes së një sistemi meritokracie. Ministria e Drejtësisë thekson se kriteret për ekspertizë, përvojë dhe integritet janë të qarta dhe të detyrueshme, ndërsa vendimet për përzgjedhje, ngritje në detyrë dhe përgjegjësi disiplinore do të jenë të arsyetuara dhe transparente. Për herë të parë, ligji parashikon publikimin e vendimeve dhe raporteve, mbajtjen e seancave publike dhe transmetime të drejtpërdrejta, si dhe një sistem dy-nivelësh disiplinor me mundësi mbrojtjeje gjyqësore ndaj vendimeve të Këshillit.