Kuvendi i Republikës së Maqedonisë së Veriut miratoi me shumicë të madhe votash Ligjin e ri për Procedurën Civile, duke hapur rrugën për modernizimin e sistemit gjyqësor. Ky ligj sjell mundësinë e zhvillimit të seancave gjyqësore përmes mjeteve elektronike, duke përshpejtuar dhe thjeshtuar proceset gjyqësore. Përmes përdorimit të teknologjive dixhitale, pritet të rritet efikasiteti dhe cilësia e procedurave, si dhe të ulen kostot dhe kohëzgjatja e tyre. Reforma synon gjithashtu forcimin e rolit të gjykatës në përcaktimin e gjendjes faktike dhe mbrojtjen më të mirë të të drejtave të qytetarëve dhe subjekteve juridike.