Kryeministri Hristijan Mickoski zhvilloi një takim pune kushtuar Axhendës së reformave dhe procesit të integrimit evropian, ku mori pjesë edhe drejtori i Drejtorisë së Përgjithshme për Zgjerim dhe Fqinjësi Lindore të Komisionit Evropian, Gert Jan Kopman. Gjatë diskutimeve u analizua progresi i arritur deri tani dhe u planifikuan hapat e ardhshëm për të siguruar vazhdimësinë dhe efikasitetin e reformave. Mickoski theksoi rëndësinë e koordinimit ndërmjet institucioneve për të përmbushur prioritetet e përcaktuara dhe për të përshpejtuar integrimin evropian të vendit. Ai u angazhua për zbatimin e reformave që do të sjellin institucione më efikase dhe shërbime më të mira për qytetarët, duke garantuar një progres të qëndrueshëm.