Ministria e Punëve të Brendshme njofton se nga 1 korriku 2026 do të hapen regjistrimet në Shkollën e Mesme Policore për të gjithë nxënësit e interesuar. Aplikimet do të pranohen në Sektorët për Punë të Brendshme në të gjithë vendin, ndërsa thirrja publike do të publikohet zyrtarisht pas kësaj date. Të drejtë aplikimi kanë shtetasit e Maqedonisë që kanë përfunduar vitin e dytë të arsimit të mesëm, nuk janë më të vjetër se 18 vjeç dhe janë në gjendje të mirë shëndetësore dhe psikofizike. Kjo është një mundësi për të kontribuar në sigurinë e qytetarëve dhe për t’u bërë pjesë e ekipit policor.