Kryeministri shqiptar Edi Rama ka uruar homologen e tij italiane, Giorgia Meloni, për arritjen e një rekordi historik: qeveria e saj është bërë më jetëgjata në historinë e Republikës Italiane me 1,413 ditë në detyrë. Në një video-mesazh të publikuar në rrjetin social X, Rama shprehu vlerësimin për qëndrueshmërinë e qeverisë së Melonit, duke theksuar se kjo periudhë e gjatë në pushtet është një moment i rëndësishëm politik për Italinë. Ai përmendi gjithashtu shqetësimet fillestare që kishte për qeverisjen e saj, por theksoi se Meloni ka ndihmuar në përmirësimin e kuptimit të çështjeve si siguria dhe emigracioni në Europë. Në fund, Rama shprehu ambicien për të thyer vetë rekordin e tij dhe përmendi rolin e grave në politikën italiane, duke uruar suksese për gratë italiane dhe shqiptare.