Objekti i Shoqatës së të Shurdhve në Mitrovicë do të përfitojë një renovim të plotë, falë një projekti të mbështetur nga Programi i Kombeve të Bashkuara për Zhvillim (UNDP). Drejtori për Mirëqenie Sociale në Komunën e Mitrovicës, Ramadan Beshiri, ka bërë të ditur se ky projekt është realizim i një premtimi të dhënë më parë nga kryetari i komunës, Faton Peci. Punimet pritet të fillojnë gjatë kësaj jave, ndërsa kontraktorët do të jenë në terren për të nisur rinovimin e objektit. Ky investim synon përmirësimin e kushteve për anëtarët dhe aktivitetet e Shoqatës së të Shurdhve, duke treguar përkushtimin e institucioneve lokale dhe mbështetjen e UNDP-së.