Analisti kroat Davor Djenero vlerëson se ashpërsimi i retorikës së presidentit serb Aleksandar Vuçiq ndaj Malit të Zi lidhet ngushtë me përparimin e këtij të fundit në procesin e integrimit evropian. Ai thekson se sa më afër anëtarësimit në Bashkimin Evropian të jetë Mali i Zi, aq më të forta bëhen sulmet dhe presionet nga Beogradi, duke përdorur edhe aleatë politikë lokalë për të penguar këtë rrugë. Djenero kujton ngjarjet e vitit 2016 dhe paralajmëron se Vuçiq është i gatshëm të shkojë deri në kufijtë e së lejueshmes për të mbrojtur projektin e tij të “botës serbe”. Përgjigjja më e mirë ndaj këtyre sfidave, sipas tij, është krijimi i një shumice të gjerë proevropiane në Mal të Zi dhe injorimi i provokimeve nga Serbia, duke treguar kështu se Mali i Zi nuk është më në të njëjtën ligë me regjimin autoritar të Vuçiqit.