Ministria për Evropën dhe Punët e Jashtme e Shqipërisë ka përfunduar me sukses operacionin e riatdhesimit vullnetar të pesë shtetasve shqiptarë nga Siria, përfshirë gra dhe fëmijë. Ky proces i gjatë dhe i koordinuar ndërmjet institucioneve shqiptare, përfaqësive diplomatike dhe autoriteteve të vendeve të përfshira, tregon përkushtimin e shtetit për mbrojtjen e qytetarëve edhe në rrethana të vështira. Pas mbërritjes në Shqipëri, personave të riatdhesuar do t’u ofrohet asistencë e plotë, duke përfshirë vlerësime shëndetësore dhe psikosociale, si dhe mbështetje për akomodimin dhe riintegrimin në shoqëri. Ministria falënderon të gjithë aktorët që kontribuan në këtë operacion, duke theksuar rëndësinë e bashkëpunimit ndërinstitucional për realizimin e detyrave ndaj qytetarëve.