Në rrugën “Qemal Sejfulla” në Çair, ndërtimi i një objekti gjashtëkatësh pa leje në tokë shtetërore është rifilluar, pavarësisht denoncimeve dhe hetimeve të mëparshme. Ish-kryetarja e Shkupit, Danella Arsovska, kishte bërë publike në maj 2025 se ndërtimi po zhvillohej pa projekt dhe vetëm një metër larg ndërtesave ekzistuese, duke cënuar dritaret dhe ballkonet e banorëve. Pas denoncimit, Prokuroria nisi hetime dhe kërkoi ndalimin e punimeve, por tani banorët përballen sërish me objektin që u rrit pranë tyre, ndërsa Komuna e Çairit nuk ka dhënë asnjë sqarim apo vendim për ndalimin e punimeve. BDI kërkon nga autoritetet komunale dhe prokuroria të sqarojnë situatën dhe të tregojnë nëse ndërtimi po vazhdon me leje të vlefshme apo jo.