Rruga Pejë–PKK Kullë–Rozhajë, e cila ishte bllokuar për shkak të reshjeve të borës në territorin e Malit të Zi, është rikthyer në funksion dhe është e kalueshme për mjetet e transportit të mallrave, përfshirë kamionët. Ky njoftim u bë i ditur nga Qendra Kombëtare për Menaxhim Kufitar, pas kontakteve me policinë e Malit të Zi në pikën kufitare Kullë. Për shkak të kushteve të vështira atmosferike, rruga ishte mbyllur për disa ditë, duke penguar lëvizjen e mallrave në këtë segment. QKMK ka ofruar edhe numrat e kontaktit për informata të mëtejshme lidhur me situatën në këtë rrugë.