Kryeministri i Maqedonisë së Veriut, Hristijan Mickoski, njoftoi ndryshime të rëndësishme në strukturën e qeverisë, duke paralajmëruar rikonfigurimin e ministrive dhe zgjerimin e shumicës parlamentare. OBRM-PDUKM do të marrë Ministrinë e Shëndetësisë dhe atë për Punë, Politikë Sociale dhe Demografi, ndërsa partneri koalicion VLEN do të marrë Ministrinë e Kulturës, Ministrinë për Marrëdhënie Ndëretnike dhe Ministrinë e Drejtësisë. Funksioni i zv. kryeministrit për Qeverisje të Mirë do të shkriret dhe do të integrohet në kabinetin e kryeministrit, ku do të ushtrohet nga sekretari i kryeministrit. Gjithashtu, Mickoski po negocion për përfshirjen e Partisë Demokratike Turke në koalicion, duke synuar një shumicë më të gjerë parlamentare.