Kryeministri Hristijan Mickoski ka bërë të ditur se rikonstruimi i Qeverisë pritet të formalizohet më së voni deri më 1 korrik, kur edhe emrat e rinj do të prezantohen në Kuvend. Ai njoftoi se takimi me bashkëkryetarët e VLEN-it, Mexhitin dhe Kasamin, u zhvillua në një atmosferë pozitive dhe u diskutua për ndryshime në disa resore, pa dhënë detaje të mëtejshme. Bisedimet me partnerin tjetër të koalicionit, ZNAM, do të vazhdojnë gjatë ditës së sotme. Mickoski gjithashtu bëri me dije se shumë shpejt do të përfundojë edhe eshalloni i parë i ndryshimeve në qeveri.