Kryetari i Prishtinës, Perparim Rama, ka njoftuar rikthimin e teleferikut të Gërmisë, duke theksuar se ky projekt përfaqëson jo vetëm një rikthim të një ndjenje nostalgjike, por edhe një mundësi të re për brezat e ardhshëm. Gërmia, si një hapësirë e përbashkët dhe zonë e mbrojtur, do të shfrytëzohet si një pistë skijimi dhe për sporte të tjera rekreative, duke respektuar standardet më të larta mjedisore dhe kornizën ligjore në fuqi. Hapat konkretë për realizimin e projektit janë diskutuar në një takim me përfaqësues të komunitetit sportiv, organizatave rekreative dhe institucioneve relevante, ku është punuar intensivisht për qartësimin e procedurave dhe krijimin e bazës ligjore dhe teknike. Ky zhvillim konsiderohet një hap i madh për qytetin dhe potencialin e pashfrytëzuar të parkut të Gërmisë, duke u koordinuar ngushtë me institucionet qendrore për realizimin e tij.