Ministria e Financave ka njoftuar fillimin e rindërtimit të Klinikës Universitare të Mjekësisë Fizikale dhe Rehabilitimit në Shkup, me një investim prej 92.7 milionë denarësh pa TVSH. Projekti përfshin përmirësimin e kushteve për pacientët dhe stafin mjekësor, si dhe rritjen e efikasitetit energjetik të ndërtesave përmes masave moderne si izolimi termik, ndriçimi LED dhe sistemet e ngrohjes dhe ftohjes me pompa nxehtësie. Zëvendësimi i sistemit aktual të ngrohjes me mazut do të ulë konsumin e energjisë, kostot operative dhe ndikimin negativ në mjedis. Ky investim është pjesë e një projekti më të gjerë për modernizimin e infrastrukturës shëndetësore publike dhe përmirësimin e shërbimeve për qytetarët.