Kryetari i ZNAM-it, Maksim Dimitrievski, ka deklaruar se deri të martën do të dihet epilogu përfundimtar i rindërtimit të Qeverisë, me shumë ide dhe opsione që janë ende në tavolinë. Ai theksoi se ZNAM, megjithëse është një subjekt i ri politik, po kontribuon në mënyrë të rëndësishme përmes dy ministrive që drejton dhe përfaqësuesve në nivelet e tjera të pushtetit. Dimitrievski nuk përjashtoi mundësinë e ndryshimeve në ndarjen e resorëve, por nuk pranoi të spekulojë mbi propozimet konkrete, duke theksuar se politika është kompromis dhe dialog. Ai shtoi se pas këtij rindërtimi, ZNAM do të dalë më i fortë dhe se vendimet për emrat e rinj do të merren nga organet më të larta partiake, ndërsa prioritet mbetet interesi qytetar dhe stabilizimi i shtetit.