Komuna e Prishtinës ka nisur një proces të vazhdueshëm rinovimi dhe përmirësimi të lodrave dhe këndeve të lojërave në disa lagje të kryeqytetit. Nënkryetarja Besianë Musmurati ka bërë të ditur se punimet kanë përfunduar në Parkun e Qytetit, Kolovicë dhe Breg të Diellit, ku hapësirat tashmë janë gati për t’u përdorur nga fëmijët. Ajo ka theksuar se ndërhyrjet nuk do të ndalen dhe se edhe lagje të tjera do të përfshihen në këtë proces me qëllim krijimin e ambienteve më të sigurta, funksionale dhe të përshtatshme për lojë dhe rekreacion. Kjo iniciativë është pjesë e përpjekjeve për të përmirësuar hapësirat publike dhe për të krijuar ambiente më miqësore për familjet në Prishtinë.