Kryeministri Edi Rama ka mbledhur drejtuesit politikë të Partisë Socialiste për të diskutuar riorganizimin e strukturave të partisë dhe përgatitjet për zgjedhjet vendore të vitit 2027. Procesi i zgjedhjes së kryetarëve në çdo njësi organizative ka nisur prej disa javësh, me një model bashkëkryetarësh, një burrë dhe një grua, ndërsa Rama ka kërkuar intensifikimin e takimeve me bazën dhe elektoratin në të gjithë vendin. Partia Socialiste planifikon gjithashtu zgjedhje në diasporë në vende si SHBA, Gjermania, Anglia, Italia dhe Greqia, për të forcuar organizimin jashtë vendit dhe për të rritur mbështetjen nga vota e emigrantëve. Ky proces do të zhvillohet paralelisht me diskutimet në Kuvend për reformën territoriale, e cila ka si afat përfundimtar muajin korrik, në mënyrë që të sigurohet organizimi i zgjedhjeve vendore në kohë, nëse arrihet dakordësia politike.