Sot do të bëhet rivarrimi i Masar Dushit, i cili ishte zhdukur në Masakrën e Kralanit në prill të vitit 1999 dhe i cili u gjet pas 27 vjetësh. Ceremonitë përkujtimore fillojnë në orën 11:30 me homazhe në Shtëpinë e Kulturës “Jehona e Dukagjinit” në Klinë, ndjekur nga Akademia Përkujtimore në orën 13:00 dhe më pas rivarrimi në varrezat e dëshmorëve Kodra e Kuqe-Zajm në orën 14:00. Masar Dushi ishte vetëm 23 vjeç kur u ndalua nga forcat serbe gjatë luftës në Kosovë. Në janar të këtij viti u gjet trupi i Rasim Kocit, një tjetër i zhdukur nga lufta, i cili sipas familjarëve ishte arrestuar dhe vrarë nga forcat serbe.