Në ceremoninë e rivarrimit të Dëshmorit të Atdheut, Novruz Cenalia, i vrarë dy vite më parë në Fier, morën pjesë ministri i Punëve të Brendshme, Besfort Lamallari, dhe drejtori i Policisë së Shtetit, Skënder Hita. Lamallari vlerësoi sakrificën e efektivit dhe e cilësoi vrasjen e tij si një goditje ndaj autoritetit të shtetit dhe besimit te ligji, duke theksuar se kjo humbje nuk do të dobësojë, por do të forcojë vendosmërinë për luftën kundër krimit.