Në qytetin e Vallandovës është zbuluar një nivel i rritur arseniku në ujin e pijshëm, sipas analizave të Institutit të Shëndetit Publik në Shkup. Për shkak të kësaj, Ndërmarrja Publike “Shërbimi Komunal” ka rekomanduar që qytetarët të mos konsumojnë ujin derisa të konfirmohet siguria e tij me rezultate të reja. Aktualisht, uji mund të përdoret vetëm për nevoja teknike, ndërsa po kryhen kontrolle dhe analiza shtesë në bashkëpunim me institucionet kompetente. Qytetarët janë apeluar të ndjekin udhëzimet zyrtare dhe të presin njoftimin përkatës para se të përdorin sërish ujin për pije.