Pas ndotjes së ujit në Gostivar, partia Ripërtitja Demokratike e Maqedonisë (RDM) paralajmëron për një kërcënim të ngjashëm që po afrohet pranë Shkupit për shkak të deponisë "Jugohrom" në Jegunovcë. Rreziku lidhet me substancën jashtëzakonisht toksike dhe kancerogjene, kromin gjashtëvalent, që mund të kontaminojë burimin kryesor të ujit të pijshëm të kryeqytetit, Rashçen. RDM kërkon ndërhyrje të menjëhershme nga institucionet për të parandaluar një katastrofë që do të prekte qindra mijëra banorë. Sipas tyre, mbrojtja e burimeve të ujit duhet të jetë prioritet strategjik dhe reagimi duhet të jetë proaktiv, duke bashkuar zërin qytetar me veprimin politik.