Pas paralajmërimeve të Ambasada amerikane në Tiranë për rrezik nga grupe të lidhura me Iranin, në Aeroportin Ndërkombëtar të Tiranës janë vendosur pajisje të reja kontrolli të prodhuara në Shtetet e Bashkuara. E Ngarkuara me Punë e SHBA-së në Tiranë, Nancy VanHorn, vizitoi aeroportin për të parë nga afër instalimin e këtyre pajisjeve nga Grupi Kastrati, duke theksuar rëndësinë e bashkëpunimit me teknologji amerikane për përmirësimin e sigurisë kufitare. Ambasada amerikane ka paralajmëruar se grupet e lidhura me Iranin mund të synojnë jo vetëm subjekte të lidhura me SHBA dhe opozitën iraniane, por edhe vende publike si qendra tregtare, hotele dhe restorante. Qytetarët amerikanë në Shqipëri janë këshilluar të ushtrojnë vigjilencë të shtuar për shkak të këtyre kërcënimeve.