Bllokimi i aksit Librazhd–Prrenjas ka shkaktuar rritje të ndjeshme të çmimit të biletave në transportin ndërqytetas, duke e çuar çmimin nga 700 në 1000 lekë të reja për një biletë drejt Tiranës. Kjo rritje ka shqetësuar shumë qytetarë, të cilët e konsiderojnë të papërballueshme koston e shtuar, sidomos për familjet me të ardhura të ulëta. Shoferët shpjegojnë se rritja e çmimit është e domosdoshme për shkak të zgjatjes së kohës së udhëtimit, konsumit më të lartë të karburantit dhe amortizimit të mjeteve, pasi itinerari është devijuar përmes rrugëve më të ngushta dhe të dëmtuara të Maliq–Lozhan–Moglicë–Gramsh. Qytetarët shprehin shqetësimin që kjo rritje mos të mbetet e përhershme edhe pas rikthimit të normalitetit në rrugë.