Qarkullimi në pikat kufitare të Kosovës po zhvillohet normalisht edhe këtë mëngjes, me pritje që variojnë nga 3 deri në 5 minuta në shumicën e pikave. Një shtim i lehtë i kolonave është vërejtur në pikat e Dheut të Bardhë dhe Muçibabës, por situata mbetet nën kontroll dhe nuk ka vonesa të gjata. Në pikat e tjera kufitare, qarkullimi vazhdon të jetë i rregullt, pa kolona të konsiderueshme. Parashikohet që kolonat të shtohen pak më shumë në ditët në vijim, por aktualisht nuk ka probleme serioze në kalimet kufitare.