Në pikën kufitare Bogorodicë, për shkak të shtimit të automjeteve, koha e pritjes për dalje nga vendi është rreth 20 minuta, ndërsa në pikat e tjera kufitare në anën e RMV-së nuk ka vonesa të gjata. Trafiku në rrugët shtetërore po zhvillohet normalisht, me rrugë të thata, por intensiteti i trafikut jashtë zonave urbane është rritur ndjeshëm. LAMM rekomandon që drejtuesit e automjeteve të respektojnë shpejtësinë e përcaktuar dhe sinjalistikën e trafikut, duke treguar kujdes të veçantë në rrugët që kalojnë nëpër lugina, lumenj dhe gryka, ku ekziston rreziku i rrëshqitjeve të dheut. Këshillat vlejnë sidomos për seksionet Katllanovë - Veles, Mavrovë - Dibër - Strugë, Vinicë - Berovë dhe Koçan - Delçevë, për të garantuar sigurinë në qarkullim.