LAMM njofton për një shtim të dukshëm të trafikut në rrugët jashtë zonave urbane këtë mëngjes, duke shkaktuar pritje deri në më shumë se një orë në disa pika kufitare. Në pikën e Tabanocës për hyrje në vend, koha e pritjes është tejkaluar një orë, ndërsa në Bogorodicë për dalje nga vendi pritjet janë rreth 15 minuta. Në pikat e tjera kufitare në anën maqedonase nuk raportohen vonesa të gjata për hyrje dhe dalje nga vendi. LAMM rekomandon drejtuesit e automjeteve të respektojnë sinjalistikën dhe të vozisin me kujdes, sidomos në rrugët që kalojnë nëpër lugina dhe gryka, ku rreziku i rrëshqitjeve të dheut është i lartë.