Partia “Për Liri, Drejtësi dhe Mbijetesë” e udhëhequr nga Nenad Rashiq ka shënuar një rritje të ndjeshme të mbështetjes në zgjedhjet e parakohshme parlamentare të 7 qershorit 2026, duke fituar aktualisht një ulëse në Kuvendin e Kosovës me 5,285 vota. Sipas partisë, ky sukses është arritur pavarësisht presioneve, kërcënimeve dhe shantazheve ndaj qytetarëve, duke theksuar se pas çdo vote qëndron guximi i atyre që votuan sipas ndërgjegjes së tyre dhe jo nën ndikimin e jashtëm. Partia pret rritje të mëtejshme të numrit të votave pas numërimit të atyre me kusht dhe vlerëson se kjo rritje e vazhdueshme në mbështetje dëshmon një ndryshim në qasjen politike drejt përfaqësimit të interesave qytetare. Në reagimet e saj, subjekti politik falënderon votuesit dhe premton të vazhdojë angazhimin për liri, drejtësi dhe mbijetesë, duke theksuar se kjo fitore është një konfirmim se janë në rrugën e duhur.