Më 9 korrik, segmenti rrugor Brezovicë – Prevallë do të mbyllet përkohësisht nga ora 08:00 deri në 18:00 për shkak të punimeve të asfaltimit. Ministria e Infrastrukturës dhe Transportit njofton se punimet bëhen në kuadër të projektit për mirëmbajtjen verore dhe dimërore të rrugëve nacionale dhe rajonale të Kosovës. Gjatësia e segmentit që do të asfaltohet është 1,050 metra, ndërsa mbyllja e rrugës synon të garantojë sigurinë e trafikut dhe të punonjësve gjatë realizimit të punimeve. Qytetarët ftohen të përdorin rrugë alternative gjatë orarit të mbylljes për të shmangur pengesat në qarkullim.