Ministri në detyrë i Infrastrukturës, Dimal Basha, inspektoi segmentin e rrugës R212 që lidh Budrikën, Zhegërin dhe Stançiqin deri në kufirin me Maqedoninë e Veriut. Ai njoftoi se do të hartohet një projekt për rehabilitimin e plotë të këtij segmenti, i cili do të pasohet nga procedurat për realizimin e investimeve. Basha theksoi rëndësinë e vizitave në terren për të marrë informacion të saktë mbi gjendjen e rrugëve dhe për të planifikuar projektet sipas prioriteteve. Gjatë vizitës në Stançiq, ministri falënderoi edhe zyrtarët doganorë dhe policorë për punën e tyre në pikën kufitare.