Ministria e Infrastrukturës dhe Transportit ka avancuar punimet për asfaltimin e fazës së dytë të rrugës Gorancë–Krivenik në Komunën e Hanit të Elezit. Projekti përfshin dy faza, ku faza e parë ka shtruar 1.8 kilometra rrugë me një kosto prej rreth 400 mijë euro, ndërsa faza e dytë aktualisht në asfaltim mbulon 2.6 kilometra me një vlerë prej rreth 694 mijë euro. Investimi total për këtë rrugë arrin mbi 1 milion euro dhe synon të lidhë banorët e Gorancës me Krivenikun dhe zonat përreth. Përmirësimi i qarkullimit, rritja e sigurisë në trafik dhe zhvillimi i zonës janë pritshmëritë kryesore nga ky projekt infrastrukture.