Rruga “Ilir Konushevci”, një prej segmenteve më të frekuentuara në kryeqytet, është liruar për qarkullim pas një periudhe mbylljeje për shkak të punimeve. Ekipet e Kryeqytetit kanë punuar pa ndërprerje, duke vijuar edhe gjatë natës, për të përfunduar punimet dhe për ta bërë rrugën plotësisht funksionale për qytetarët. Mbyllja e rrugës kishte filluar më 22 korrik dhe përfshinte segmentin nga kryqëzimi me rrugën “Lidhja e Prizrenit” deri te kryqëzimi me rrugën “Vëllezërit Fazliu”. Kryetari i Prishtinës, Përparim Rama, ka falënderuar ekipet dhe ka uruar qytetarët për rikthimin e rrugës së re, ndërsa paralajmëron se deri më 10 gusht do të ketë edhe mbyllje të tjera për riasfaltim.